Ri tzuq'unem chike ri ak'wala'

Ri tzuq’unem chike ri ak’wala’

Narración: ¡Ax ma cha’, Ütz awäch! Rïn José Sian nub’i, ja re samaj re’ Chupüy Q’aq’ rub’i’. Jun ru kajilal ri tzijol kuqub’anïk richin chajinem chiruwäch ri ch’akatinïk tzijob’äl. Ri Chupüy Q’aq’ ru b’anikil ri Fáctica, ri samäj richin tz’etonem richin ri tzlutzijonem Ocote.

Ri tzuq’unem chiruwäch ri COVID-19, k’o chi ruk’u’x ajilanem richin chajib’enïk chiruwäch ru ch’ewenem ri coronavirus chuqa richin ru meb’anïk ri nimak’ïy yab’il, aq’omajayil chuqa kamik.

Pa ru k’isb’äl ri juna’ 2020, pa jalajöjtaq etajalew tinamït xkitz’ukpe rokisaxïk ri nab’eyal taq ru tzaq etq’om ri tzuq’ chike ri ixoqi’ achia’. Pa nik’aj juna’ k’a ri’ xya’ox q’ij richin rokusaxik ri tzuq’unem chike ri alasaj. Pa ru tz’ukunil ri juna’ 2022, ri Organización Mundial de la Salud, nikichilab’ej rokusaxïk chike ri ak’wala’ wo’o’ kijuna’.

Manstape’ k’a ri tzuq’ ru q’axan tijonib’äl aq’omanel chuqa xq’ax pa jikib’axïk richin ru chojk’ojlemal chuqa ru uchuq’alil, jujun taq winäq k’a man kinimajta chuqa nikisachib’äj ri ki tzuq’unem ri kalw’al.

Pa rutanaj re samaj ri Chupüy Q’aq’, niq’alajirisaj chawe, rick’in ka’al chuqa saqb’äl etamab’alil, achike ruma jik chuqa okel utzelil ki tzuq’unem ri ak’wala’.

Pa rutz’ukunïk ri nimayab’il, xe tojtob’ex ki ri winaqi’ jalajöj taq kijuna’ k’o chi niqak’ul ri yab’il COVID-19. Pa Iximulew, ri ruxe’el tzij ri Ministerio de Salud Pública nikib’ij ki pa ru tz’ukunïk ri kaji’ ik’ pa juna’ 2022, xe tz’ib’äx k’o chi jub’a 43 mil etzeqilel ri yab’il chuqa 211 kikamik ri ak’wala’ oxlajuj kijuna’.

Ri aq’omanel Alicia Chang, pujaxinel aq’omäy ak’wala’ chuqa nima q’atb’äl tzij richin ri Asociación Guatemalteca de Enfermedades Infecciosas, nuya’ jub’a chik etalil chiqe:

Alicia Chang: Ri qitzij xa xqil yan ki ri ak’wala’ nyeyawej qa junam rik’in ri COVID, chuqa k’o chi niki kiraj ru q’axïk ri yab’il, pa ruwi’ k’a a toq e ak’wala’ jub’a chik e nimaq’, ri lajuj ki juna’ ok. A toq k’a ye yawëj qa rik’in ri COVID, ri ch’ab’ach’akilal ma kin k’ïy ta achiel chake ri ixoqi’ achia’. Ker’i k’a, ma nkajo’ ta uxlab’il keri’ chuqa aq’omajayil. Po ja e k’ïy taq mul jujun taq chajinem ri nuya’ jun aq’omanel ajowab’äl nab’eyal, nutul kik’in ri ach’alal pa kachoch.

Narración: Man xaxe’ ta chuqa, e k’ulk’ub’än ki ri ak’wala’ k’o chi nikik’ul ch’ab’ach’akul junam achiel ri nikik’iyiläj ri ixoqi’ achia’, achiel ri nim k’atän, ronojel q’axomal, ru q’axomal ch’akul, ruq’axomal qul, ojob’, tz’apitza’m chuqa ya’ chipamaj.

Ri Centros para el Control de Enfermedades Infecciosas richin ri jotöl tinamit Estados Unidos, etaman ruwäch achiel ri CDC, ri ak’wala’ k’o junam rik’in jub’a ni ki etzeqilel ri yab’il coronavirus achiel ri ixoqi’ achia’ chuqa k’o chi nkitij poqöm k’ayew ri ki raxnaqil pa ko’ol chuqa nim q’ijul.

Alicia Chang: Ri k’utb’äl jub’a chik k’aye’il rik’in ri ojob’ jantapelil, ri ak’wala’ nkayo’ uxlab’il. Re’ nuk’ulwachin jub’a chik pa 1% chuqa 2% ri ak’wala’ nye yawëj qa rik’in ri COVID, keri’ k’a jub’a chi ronojel ri yawa’i’ nki chojmirisaj kik’aslem rik’in q’ijolaq’om.

Narración: Keri’ jub’a chuqa, achiel nu q’alajirisaj ri aq’omanel Chang, a toq nki etzeqilel ri yab’il, ri ak’wala’ chuqa k’o chi nikikiraj ri coronavirus kik’in ch’aqa chik winäq. Richin nch’utirisax ritzelal, jarupe’ ri etzeqelil keri’ chuqa ru k’iyiläj ri ch’ab’ach’akul, e k’utun ki ri tzuq’unem ja ri’ ri yalan k’atzinel rajowaxik.

Pa Iximulew , ri Ministerio de Salud xu tz’ukpe ri tzuq’unem chike ri alasaj 12 chuqa ri 17 kijuna’ pa rulaj ik’ ri juna’ 2021. Ri chitüy xu nab’eyaj ri alasaj k’o ki jalajöj taq yab’il k’uxalem, kinaq’il chuqa kab’yab’il. Pa keri’ k’a pa ru tz’ukunïk ri kaji’ ik’, k’o chi kiya’on jub’a chik 2 millones ri alasaj.

Pa jun lajuj q’ij ri rox ik’ re juna’ 2022, ri Ministerio de Salud, xu nimirisaj ri tzuq’unem chike ri ak’wala’ ri 6 chuqa 12 kijuna’. Pa rutz’ukunel ri kaji’ ik’, xe ya’ox yan k’o chi jub’a ri 200 mil ru tzaq etq’om chike re jun nimamoloj juna’ re’.

Re’ k’atzinel chi nawatamaj ki ri ru chilab’ej nab’eyil kan ri Organización Mundial de la Salud rokusaxïk ri tzuq’unem chike ri ak’wala’ 12 kijuna’, xe b’anux tijonib’äl aq’omanel ape majun k’ayew chajinem xe ilox. Keri’ jub’a chuqa, xe xtojtob’ex ki ri tzuq’ k’o ru uchuq’alil chike re jun moloj. Achike nu q’alajirisaj ri qa’omanel Chang:

Alicia Chang: Wakami k’o chik ka’al qik’in paruwi’ ri ruchuq’alil ri tzuq’unem k’a pa wo’o’ juna’. Pa wo’o juna’ apo, k’oj tzuq’ ri xe k’ulk’ub’äx yan ri k’atzinel rokusaxïk chike ri ak’wala’.

Narración: Ri tzuq’unem chike ri ak’wala’ junam rokusaxïk achiel chike ri achia’ ixoqi’. Xaxe’ rujalon ri ru tzaq etq’om, ri’ xa jub’a ok. Rik’in ri tzuq’, ni tzuq’ux jun pïr chiqïl ri tzieq retamab’alil jotayil ri itzelil, ri nuk’ut chikiwäch ru k’ajk’äs ri ch’akul richin nu kol a toq un etzaqilel ri yab’il.

Alicia Chang: Ri tz’etonil k’o chi ri pa ch’u taq ak’wala’, ri rujotolem chajinem k’o chi yalan ütz, keri’ k’a manäq q’entenrï’l rokusaxïk jun chojalil, k’a pa k’ïy q’ijul. Ri ru kulub’elil to’ich’akul yalan ütz, ruma’ k’a rije alk’walaxelal chuqa ruma ki nuk’ulem to’ich’akul yalan tikir. K’o chi junam jujun taq rub’anem, ri ki kulub’elil ri ak’wala’ chiruwäch ri tzuq’ k’o chi ütz chuqa rik’in ka’i ru tzaq etq’om, k’o chi ütz chik richin ki chajinïk, k’o chi jub’a richin ki nima yab’il chuqa ki aq’omajayil.

Narración: Ri chojalil nu tzijoj ri aq’omanel Chang xa ja ri ruchuq’alil ri tzuq’. Ri achia’ ixoqi’ winaqi’ ja k’o chi nikajo’ oxi’ ru tzaq etq’om, ri k’o ru b’eyal rokusaxïk pa kaji’ chuqa waqi’ ik’ a toq xa k’ul yan ronojel ru tz’aqat ri tzuq’unem. K’a wakami, pa rutz’ukunïk ri kaji’ ik’ pa juna’ 2022, k’o chi k’utun chik ki ri uchuq’alil ri tzuq’ man okel ta chike ri ak’wala’.

Ri tzuq’unem chiruwäch ri COVID-19, tikïr chi nkiya’ ch’uti k’exb’alil tzolib’äl pa jujun taq ixoqi’ achia’. K’o chi q’axel chuqa nikik’ulwachij ri ak’wala’.

Alicia Chang: Ja’, ronojelil junam achiel ri k’exb’alil e tz’eton kik’in ri achia’ ixoqi’. Majun retmolaj ajlab’äl e tz’eton k’a wakami pa ak’wala’rucholonel xaxe’ kik’in ri ixoqi’ achia’. Xa junam ruq’axomal ri q’ab’aj, ri k’atän, k’ayew q’axomal, ru q’axomal ch’ab’enïk, k’o chi jantäq mulun k’uxaj, ya’ chi pamaj…

Keri’ chuqa k’o chi nk’oje’ k’ïy a ralaxya’ pospo’y chuqa sipojnem, pa rulewal a pe’ xa ya’ ri a tzuq’.

Narración: Ja stape’, achiel nu q’alajirisaj ri aq’omanel Chang, re xa ch’ab’ach’akul ki e tz’eton chik chuqa ma nimak’ïy k’ayew ta. K’o chi jub’a ri ronojel ch’ab’ach’akul kiyon nyesëch el pa jujun taq q’ij. K’o chi ni ch’uch’ujir rik’in ri uxlanem, k’iy ya’ chuqa aq’om richin ri q’oxomal chuqa ri k’atän, k’o chi okel, jumul k’a ru taqanem jun aq’omanel.

***

Ri’ Chupüy Q’aq’, jun jeb’ël samatz’ib chin ri Factica, ru samäj ri k’ojlib’äl tz’etonïk richin ru tzijol chuqa ru ilonem ri ch’ak’atinïk tzijob’äl nikisamajij pa OCOTE. Röj junam qi’ pa Latam Chequea, juna’oj richin jiq’ilib’enïk ri ch’ak’atinïk tzijob’äl pa riwi’ ri tzuq’unem, rik’in ru to’ïk ri Google New Initiative. Ri Chupüy Q’aq’, nitalux pa juna’oj chike ri talutzij komon ri e yuqül ri k’o ki samaj pa ruwi’ ri raxnaqil k’aslemal kik’in ri ki komon.

A toq k’o ru sachib’äl a k’u’x pa ruwi’ jun tzijol ri xa wak’axaj chuqa xatz’et pa ruwi’ ri tzuq’unem, pa ruwi’ ri coronavirus, po chuqa pa ruwi’ ch’aqa chik solna’oj, k’o chi nak’ulpe pa ruxaq k’amaya’l kichin ri Fáctica chuqa ri Ocote, po chuqa ya tzi’b’ampe pa taqoya’l factica@agenciaocote.com, chuqa pa qa WatsApp 37568119.

Re kanoj jikilib’anïk samaj re’ ri podcast xu b’än ri Ixmukane Us, ri k’o pa Ocote. Rïn José Sian nub’i’, ri tzalq’omaxik xqab’än rik’in ru toïk ri Apolonia Choc chuqa ri tijonel Griselda Sian. Röj k’o pa Talutzij Naköj. Ya tiqapeyoj richin nakiraj rutzijol re samäj re, kik’in a wach’alal chuqa kik’in ri winäq pa a komon. ¡Yoj Ch’o’o yan chik!

Narración: ¡Hola! Soy José Sian y esto es La Luciérnaga, un espacio de información confiable para protegernos de la desinformación. La Luciérnaga forma parte de Fáctica, el proyecto de verificación del medio de comunicación Ocote.

La vacunación contra la COVID-19 ha sido fundamental para contener la propagación del coronavirus y para evitar enfermedades graves, hospitalizaciones y muertes.

A finales de 2020, en varios países empezaron a aplicarse las primeras dosis de la vacuna a personas adultas. Medio año después se autorizó la vacuna para adolescentes y a inicios de 2022 la Organización Mundial de la Salud la recomendó para niñas y niños a partir de cinco años.

A pesar de que la vacuna ha pasado ensayos clínicos y fue probada para garantizar su seguridad y su eficacia, algunas personas todavía desconfían y dudan si vacunar o no a sus hijas e hijos. Además, en estos meses ha circulado mucha información falsa que dice que no es recomendable o que es peligroso inmunizar a los menores de 12 años.

En este episodio de La Luciérnaga te explico, con datos y evidencia científica, por qué es seguro y necesario vacunar a las niñas y a los niños.

Desde el inicio de la pandemia, se ha comprobado que las personas de cualquier edad podemos enfermarnos de COVID-19. En Guatemala, según datos del Ministerio de Salud Pública, a inicios de abril de 2022 se habían registrado más de 43 mil contagios y 211 muertes de menores de 13 años .

La doctora Alicia Chang, infectóloga pediatra y presidenta de la Asociación Guatemalteca de Enfermedades Infecciosas, nos da más detalles de esto:

Alicia Chang: La verdad es que hemos descubierto que los niños se enferman igualmente con COVID y también pueden transmitir la enfermedad, sobre todo si son niños un poquito más mayores, o sea de 10 años en adelante. Y cuando se enferman por COVID, eso sí es cierto, la sintomatología no es tan grave como la de adultos, es decir, no requieren oxígeno ni hospitalización, pero sí muchas veces algún tipo de cuidados que puede proveer el médico de atención primaria juntamente con la familia en casa.

Narración: Además, se ha comprobado que los niños pueden presentar síntomas similares a los que desarrollan los adultos, como fiebre alta, malestar general, dolor de cuerpo, dolor de garganta, tos, congestión nasal y diarrea.

Según los Centros para el Control de Enfermedades Infecciosas de Estados Unidos, conocidos como CDC, las niñas y niños tienen las mismas probabilidades que los adultos de contagiarse con el coronavirus y pueden sufrir complicaciones de salud a corto y largo plazo.

Alicia Chang: Las manifestaciones un poco más severas en las la tos es muy persistente, los niños requieren oxígeno. Eso sucede más o menos en el uno a dos por ciento de los niños que se enferman con COVID y la gran mayoría de ellos resuelve igual con tratamiento.

Narración: Además, como explica la doctora Chang, si se contagian, las niñas y niños también pueden propagar el coronavirus entre otras personas. Para disminuir los riesgos, tanto de contagio como de desarrollar síntomas graves, se ha demostrado que lo más efectivo son las vacunas.

En Guatemala, el Ministerio de Salud inició la vacunación en adolescentes entre 12 y 17 años en octubre de 2021. El ministerio priorizó a adolescentes con afecciones como enfermedades cardiacas y renales o diabetes. Desde entonces y hasta inicios de abril, se ha vacunado a más de 2 millones de adolescentes.

El 11 de marzo de 2022, el Ministerio de Salud amplió la vacunación a niñas y niños de entre 6 y 12 años. A inicios de abril, se habían aplicado más de 200 mil dosis a este grupo de edad.

Es importante que sepas que antes de que la Organización Mundial de la Salud recomendara la vacunación para menores de 12 años, se realizaron ensayos clínicos en los que no se identificó ningún problema de seguridad grave. Además, se comprobó que las vacunas eran eficaces para este grupo de edad. Como explica la doctora Chang:

Alicia Chang: Ahora ya tenemos datos de la eficacia de las vacunas de hasta cinco años, entonces de cinco años en adelante, hay vacunas que están aprobadas para ser utilizadas en niños.

Narración: Las vacunas para niñas y niños funcionan exactamente igual que las de personas adultas. Lo único que varía es la dosis, que es menor. Con la vacuna, se inyecta un fragmento inofensivo del material genético virus, que enseña a las células del cuerpo a defenderse si nos contagiamos.

Alicia Chang: La expectativa es que con niños pequeños, el nivel de protección sea muy bueno y que no haya necesidad de poner un booster, sino hasta dentro de bastante tiempo. Su respuesta inmune es excelente, debido a que son jóvenes y tienen un sistema inmune muy capaz. Puede ser que igual que en otros casos, la respuesta de los niños a este tipo de vacunas sea muy buena y con dos dosis estarán listos para estar protegidos, por lo menos para enfermedades severas y hospitalizaciones.

Narración: El booster del que habla la doctora Chang es el refuerzo de la vacuna. Las personas adultas sí necesitamos una dosis de refuerzo, que podemos colocarnos entre cuatro y seis meses después de haber completado el esquema de vacunación. Hasta ahora, a inicios de abril de 2022, se ha demostrado que este refuerzo no es necesario para niñas y niños.

Las vacunas contra la COVID-19 pueden causar efectos secundarios leves en algunos adultos. Es posible que esto también suceda en el caso de niñas y niños:

Alicia Chang: Sí, mayoritariamente son exactamente iguales a los vistos en adultos. No hay ningún evento adverso hasta la fecha que se haya observado en niños específicamente y no en adultos. El mismo dolor de brazos, fiebre, malestar, dolor articular ,a veces un poco de náusea, diarrea… También puedes tener mucho, mucho edema e hinchazón, en el área donde se pone la vacuna.

Narración: Aun así, como explica la doctora Chang, son síntomas que ya están previstos y que no son graves. La mayoría desaparecen por sí solos en pocos días. Se pueden suavizar con descanso, abundantes líquidos y medicación para el dolor y la fiebre, si es necesario, siempre bajo prescripción médica.

***

La Luciérnaga es un especial de Fáctica, el proyecto de verificación de la información y detección de desinformaciones de Ocote. Somos parte de Latam Chequea, la alianza para contrarrestar las desinformaciones sobre vacunas, con el apoyo de Google News Initiative. La Luciérnaga se distribuye en alianza con radios locales y comunitarias comprometidas con la salud de sus comunidades.

Si tienes dudas de alguna información que hayas escuchado o leído sobre vacunas, sobre coronavirus o sobre cualquier tema, puedes consultarnos a través de las redes sociales de Fáctica y de Ocote, o escribirnos al correo electrónico factica@agenciaocote.com o a nuestro WhatsApp, 3756 8119.

La investigación y el guion de este podcast los hizo Ixmucané Us. Yo soy José Sian, la traducción la hicieron Apolonia Choc y Griselda Sian, de Radio Nakoj.

Te invitamos a compartir esta información con tu familia y las personas de tu comunidad. ¡Hasta pronto!